రేపల్లియ ఎద ఝల్లున పొంగిన రవళి
నవరస మురళి ఆ నందన మురళి ఇదేనా
ఇదేనా ఆ మురళి మొహన మురళి ఇదేనా ఆ మురళి
రేపల్లియ
కాళింది మడుగున కాళియుని పడగల
ఆబాల గోపాల మాబాల గోపాలుని
కాళింది మడుగున కాళియును పడగల
ఆబాల గోపాల మాబాల గోపాలుని
అచ్చెరువున అచ్చెరువున విచ్చిన కన్నులజూడ
అచ్చెరువున అచ్చెరువున విచ్చిన కన్నులజూడ
తాండవమాడిన సరళి గుండెల మ్రోగిన మురళి
ఇదేనా ఇదేనా ఆ మురళి
రేపల్లియ
అనగల రాగమై తొలుత వీనులలరించి
అనలేని రాగమై మరల వినిపించి మరులే కురిపించి
అనగల రాగమై తొలుత వీనులలరించి
అనలేని రాగమై మరల వినిపించి మరులే కురిపించి
జీవన రాగమై బృందావన గీతమై
జీవన రాగమై బృందావన గీతమై
కన్నుల కన్నుల కలువల వెన్నెల దోచిన మురళి
ఇదేనా ఇదేనా ఆ మురళి
వేణుగానలోలుని మురిపించిన రవళి
నటనల సరళి ఆ నందనమురళి
ఇదేనా ఆ మురలి మువ్వల మురళి ఇదేనా ఆ మురళి
రేపల్లియ
మధురానగరిలో యమునా లహరిలో
ఆ రాధ నారాధ నా గీతి పలికించి
మధురానగరిలో యమునా లహరిలో
ఆ రాధ నారాధ నా గీతి పలికించి
సంగీత నాట్యాల సంగమ సుఖ వేణువై
సంగీత నాట్యాల సంగమ సుఖ వేణువై
రాసలీలకే ఊపిరిపోసిన అందెల రవళి
ఇదేనా ఇదేనా ఆ మురళి
రేపల్లియ
Subscribe to:
Post Comments (Atom)
No comments:
Post a Comment