తొలి సంధ్య వేళలో తొలి పొద్దు పొడుపులో - చిత్రం : సీతా రాములు

తొలి సంధ్య వేళలో తొలి పొద్దు పొడుపులో
తెలవారే తూరుపులో వినిపించే రాగం భూపాలం
ఎగిరొచ్చే కెరటం సింధూరం

తొలి సంధ్య వేళలో

జీవితమే రంగుల వలయం
దానికి ఆరంభం సూర్యుని ఉదయం
గడిచే ప్రతి నిమిషం ఎదిగే ప్రతిబింబం
వెదికే ప్రతి ఉదయం దొరికే ఒక హృదయం
ఆ హృదయం సంధ్యా రాగం
మేలుకొలిపే అనురాగం

తొలి సంధ్య వేళలో

సాగరమే పొంగుల నిలయం
దానికి ఆలయం సంధ్యా సమయం
వచ్చే ప్రతి కెరటం చేరదు అది తీరం
లేచే ప్రతి కెరటం అది అంటదు ఆకాశం
ఆ ఆకాశంలో ఒక మేఘం
మేలుకొలిపే అనురాగం

తొలి సంధ్య వేళలో