ఆ నీలి గగనాన మెరిసేటి ఓ దివ్యతారా - చిత్రం : నువ్వు నాకు నచ్చావ్

ఆ నీలి గగనాన వెరిసేటి ఓ దివ్యతారా
ఎన్నెన్ని జన్మాలు వేచానో నే నిన్ను చేర
ఏనాటి స్వప్నం నీ దివ్యరూపం
శతకోటి రాగాలు రమణించె నా గుండెలోన

ఓ ప్రియతమా ఇది నిజమా ఈ పరిచయం ఒక వరమా
ఇది మనసుపడిన విరహవేదనా
తొలి ప్రేమలోని మధుర భావనా
ఒ ప్రియతమా ఇది నిజమా
ఏ ముత్యము ఏ మబ్బులో దాగున్నదో తెలిసేదెలా
ఏ స్నేహము అనుబంధమై ఒడిచేరునో తెలిపేదెలా

నా గుండె పొదరింట నీ కళ్ళు వాలాక ఏ ఆశ చివురించెనో
వెచ్చని నీ శ్వాస నా మేను తడిమాక ఏ ఊహ శృతిమించెనో
ఎన్ని జన్మల బంధాలు శ్రీ పారిజాతాలై విచ్ఛాయొ చెప్పేదెలా
ఎన్ని నయనాలు నావంక ఎర్రంగా చూశాయొ ఆగుట్టు విప్పేదెలా
ఓ ప్రియతమా దయ గనుమా నీ చూపేచాలు చంద్ర కిరణమా
నా జన్మ ధన్యమౌనె ప్రాణమా

ఆ నీలి గగనాన మెరిసేటి

చివురాకుల పొత్తిళ్ళలో వికసించిన సిరిమల్లెవో
చిరుగాలితో సెలయేటిపై నర్తించినా నెలవంకవో
నువ్వేమొ నాజూకు నడువేమొ పూరేకు నీ అందమే మందునే
పలుకేమొ రాచిలక నడకేమొ రాయంచ ఒళ్ళంత వయ్యారమే
నీ నామాన్నే శృంగార వేదంగా భావించి జపియిస్తున్నానే చెలి
నీ పాదాలే నా ప్రేమ సౌధాలుగా ఎంచి పూజించనా నెచ్చెలి
ఓ ప్రియతమా ఔననుమా కనలేవా ప్రియుని హృదయ వేదనా
కరుణించు నాకు వలపు దీవెన

ఆ నీలి గగనాన మెరిసేటి